காப்பு
கலிவிருத்தம்
ஆதி யந்தமில் லாதவ னாதியைத்
தீது றும்பவம் தீப்படு பஞ்சுபோல்
மோது றும்படி முப்பொறி யொத்துறக்
காதலாகக் கருத்திற் கருதுவோம்.
தாண்டவராயக் கோனார் கூற்று
கண்ணிகள்
நாராயணக் கோனார் கூற்று
(தரவு கொச்சகம்)
கலிவிருத்தம்
ஆதி யந்தமில் லாதவ னாதியைத்
தீது றும்பவம் தீப்படு பஞ்சுபோல்
மோது றும்படி முப்பொறி யொத்துறக்
காதலாகக் கருத்திற் கருதுவோம்.
தாண்டவராயக் கோனார் கூற்று
கண்ணிகள்
| எல்லா உலகமும் எல்லா உயிர்களும் வல்லாளன் ஆதிபரம சிவனது | 1 |
| வானியல் போல் வயங்கும் பிரமமே ஊனியல் ஆவிக்கு ஒருகதி இல்லையென்று | 2 |
| முத்திக்கு வித்தான மூர்த்தியைத் தொழுது சித்தியும் பத்தியும் சத்தியும் முத்தியும் | 3 |
| தொல்லைப் பிறவியின் தொந்தமுற்ற அறவே எல்லையில் கடவுள் எய்தும் பலம் உமக்கு | 4 |
| ஆரண மூலத்தை அன்புட னேபர பூரணமாகவே சிந்தித்து மெய்ஞ்ஞானப் | 5 |
| காலா காலங் கடந்திடும் சோதியைக் நூலார் பெரியவர் சொன்னநுண் பொருளை | 6 |
| சொல்லருஞ் சகள நிட்களம் ஆனதைச் அல்லும் பகலும் அகத்தில் இருந்திடில் | 7 |
| சூரியன் வாள்பட்ட துய்ய பனிகெடும் நாறி இடப்பாகன்தாள் நெஞ்சிற் போற்றியே | 8 |
| மும்மலம் நீக்கிட முப்பொறிக்கு எட்டாத செம்மறி யோட்டிய வேலை யமயத்தும் | 9 |
| பஞ்ச விதமாய்ச் சஞ்சலம் பறக்கப் நெஞ்சத்து இருத்தி இரவு பகலுமே | 10 |
நாராயணக் கோனார் கூற்று
(தரவு கொச்சகம்)
| சீரார் சிவகொழுந்தைத் தெள்ளமுதைச் செந்தேனைப் பேரான விண்ணொளியைப் பேரின்ப வாரிதியை | 11 |
| கண்ணுள் கருமணியைக் கற்பகத்தைக் காஞ்சனத்தைப் விண்ணின் அமுதை விளக்கொளியை வெங்கதிரைத் | 12 |
| கண்ணிகள் மனமென்னும் மாடு அடங்கில் தாண்டவக்கோனே - முத்தி | 13 |
| சினமென்னும் பாம்பு இறந்தால் தாண்டவக்கோனே - யாவும் | 14 |
| ஆசையெனும் பசுமாளின் தாண்டவக்கோனே - இந்த | 15 |
| ஓசையுள் அடங்குமுன்னம் தாண்டவக்கோனே - மூல | 16 |
| மூலப் பகுதியறத் தாண்டவக்கோனே - உள்ளம் | 17 |
| சாலக் கடத்தியல்பு தாண்டவக்கோனே - மலச் | 18 |
| பற்றே பிறப்புண்டார்க்கும் தாண்டவக்கோனே - அதைப் | 19 |
| சற்றே பிரமத்திச்சை தாண்டவக்கோனே - உன்னுள் | 20 |
| அவித்தவித்து முளையாதே தாண்டவக்கோனே - பத்தி | 21 |
| செவிதனிற் கேளாத மறை தாண்டவக்கோனே - குரு | 22 |
கட்டளைக் கலித்துறை மாடும் மனைகளும் மக்களுஞ் சுற்றமும் வான்பொருளும் வீடும் மணிகளும் வெண்பொன்னுஞ் செம்பொன்னுஞ் வெண்கலமும் காடும் கரைகளும் கல்லாம் பணியுங் கரிபரியும் தேடும் பலபண்டம் நில்லா சிவகதி சேர்மின்களே. | 23 |
நேரிசை வெண்பா போகம்போம் போக்கியம்போம் போசனம்போம் புன்மைபோம் மோகம்போம் மூர்க்கம்போம் மோசம்போம் - தாகம்போம் வேதமுதல் ஆகமங்கள் மேலானதென்று பல்கால் ஓதுபிர மரத்துஉற்றக் கால். | 24 |
தாண்டவராயக்கோனார் கூற்று தாந் திமித்திமி தந்தக்கோ னாரே தீந் திமித்திமி திந்தக்கோ னாரே ஆனந்தக் கோனாரே - அருள் ஆனந்தக் கோனாரே. ஆயிரத்தெட்டு வட்டமுங் கண்டேன் மாயிரு ஞாலத்து நூற்றெட்டும் பார்த்தேன் | 25 |
| அந்தக் கரணம் எனச்சொன்னால் ஆட்டையும் சந்தத் தவமென்னும் வாளினால் வெட்டினேன் | 26 |
| மெய்வாய்கண் மூக்குச் செவியெனும் ஐந்தாட்டை எய்யாமல் ஓட்டினேன் வாட்டினேன் ஆட்டினேன் | 27 |
| பற்றிரண் டும்அறப் பண்புற்றேன் நண்புற்றேன் சிற்றின்பம் நீக்கினேன் மற்றின்பம் நோக்கினேன் | 28 |
| அண்ணாக்கை யூடே யடைத்தே அமுதுண்ணேன் விண்ணாளும் மொழியை மேவிப்பூசை பண்ணேன் | 29 |
| மண்ணாதி பூதங்கள் ஐந்தையும் கண்டேனே விண்ணாளி மொழியை மெய்யினுள் கொண்டேனே | 30 |
| வாக்காதி ஐந்தையும் வாகாய்த் தெரிந்தேனே நோக்கரு யோகங்கள் ஐந்தும் புரிந்தேனே | 31 |
| ஆறாதாரத் தெய் வங்களை நாடு கூறான வட்ட ஆனந்தத்திற் கூடு | 32 |
| நாராயணக் கோனார் கூற்று ஆதிபகவனையே ......பசுவே! சோதி பரகதிதான் ......பசுவே! | 33 |
| எங்கும் நிறைபொருளைப் ......பசுவே! தங்கும் பரகதியில் ......பசுவே! | 34 |
| அல்லும் பகலும்நிதம் ......பசுவே! புல்லும் மோட்சநிலை ......பசுவே! | 35 |
| ஒன்றைப் பிடித்தோர்க்கே ......பசுவே! நின்ற நிலைதனிலே ......பசுவே! | 36 |
| எல்லாம் இருந்தாலும் ......பசுவே! இல்லாத் தன்மையென்றே ......பசுவே! | 37 |
| தேவன் உதவியின்றிப் ......பசுவே! ஆவிக்கும் ஆவியதாம் ......பசுவே! | 38 |
| தாயினும் அன்பன்அன்றோ ......பசுவே! நேயம் உடையவர்பால் ......பசுவே! | 39 |
| முத்திக்கு வித்தானோன் ......பசுவே! சத்திக்கு உறவானோன் ......பசுவே! | 40 |
| ஐயன் திருபாதம் ......பசுவே! வெய்ய வினைகளெல்லாம் ......பசுவே! | 41 |
| சந்திர சேகரன்தாள் ......பசுவே! இந்திரன் மான்முதலோர் ......பசுவே! | 42 |
| கட்புலன் காணஒண்ணாப் ......பசுவே! உட்புலன் கொண்டேத்திப் ......பசுவே! | 43 |
| சுட்டியும் காணஒண்ணாப் ......பசுவே! ஒட்டிப் பிடிப்பாயேல் ......பசுவே! | 44 |
| தன்மனந் தன்னாலே ......பசுவே! வன்மரம் ஒப்பாகப் ......பசுவே! | 45 |
| சொல்லெனும் நற்பொருளாம் ......பசுவே! இல்லென்று முத்திநிலை ......பசுவே! | 46 |
பலரோடு கிளத்தல் (குறள் வெண்செந்துறை) கண்ணுள் மணியைக் கருதிய பேரொளியை விண்ணின் மணியை விளக்கொளியைப் போற்றீரே. | 47 |
| மனம்வாக்குக் காயம்எனும் வாய்த்தபொறிக்கு எட்டாத தினகரனை நெஞ்சமதில் சேவித்துப் போற்றீரே. | 48 |
| காலமூன் றுங்கடந்த கதிரொளியை உள்ளத்தால் சாலமின்றிப் பற்றிச் சலிப்பறவே போற்றீரே. | 49 |
| பாலிற் சுவைபோலும் பழத்தில் மதுபோலும் நூலிற் பொருள்போலும் நுண்பொருளைப் போற்றீரே. | 50 |
| மூவர் முதலை முக்கனியைச் சர்க்கரையைத் தேவர் பொருளைத் தெள்ளமுதைப் போற்றீரே. | 51 |
| தூய மறைப்பொருளைச் சுகவாரி நல்அமிழ்தை நேய முடனாளும்நிலை பெறவே போற்றீரே. | 52 |
| சராசரத் தைத்தந்த தனிவான மூலம்என்னும் பராபரத்தைப் பற்றப் பலமறவே போற்றீரே. | 53 |
| மண்ணாதி பூதமுதல் வகுத்ததொரு வான்பொருளைக் கண்ணாரக் காணக் கருத்திசைந்து போற்றீரே. | 54 |
| பொய்ப்பொருளை விட்டுப் புலமறிய ஒண்ணாத மெய்ப்பொருளை நாளும் விருப்புற்றுப் போற்றீரே. | 55 |
| எள்ளில் தைலம்போல் எங்கும் நிறைபொருளை உள்ளில் துதித்தே உணர்வடைந்து போற்றீரே. | 56 |
நெஞ்சொடு கிளத்தல் பூமியெல்லாம்ஓர் குடைக்கீழ்ப் பொருந்த அரசாளுதற்குக் காமியம்வைத்தால் உனக்குக் கதியுளதோ கல்மனமே! | 57 |
| பெண்ணாசை யைக்கொண்டு பேணித் திரிந்தக்கால் விண்ணாசை வைக்க விதியில்லையே கல்மனமே! | 58 |
| மேயும் பொறிகடமை மேலிடவொட் டார்க்குவினை தேயும்என்றே நல்வழியில் சொல்லுகநீ கல்மனமே! | 59 |
| பொன்னிச்சை கொண்டு பூமிமுற்றும் திரிந்தால் மன்னிச்சை நோக்கம் வாய்க்குமோ கல்மனமே! | 60 |
| பொய்யான கல்விகற்றுப் பொருள்மயக்கம் கொள்ளாமல் மெய்யான ஞானக்கல்வியினை விரும்புவாய் கல்மனமே! | 61 |
| பேய்க்குரங்கு போலப் பேருலகில் இச்சைவைத்து நாய்நரிகள் போலலைந்தால் நன்மையுண்டோ கல்மனமே! | 62 |
| இரும்பைஇழுக் குங்காந்தத்து இயற்கைபோல் பல்பொருளை விரும்பினதால் அவைநிலையோ? விளம்புவாய் கல்மனமே! | 63 |
| கற்பநிலை யால் அலவோகற்பக லங்கடத்தல்? சொற்பநிலை மற்றநிலை சூட்சங்காண் கல்மனமே! | 64 |
| தேகம் இழப்பதற்குச் செபஞ்செய்தேன் தவஞ்செய்தேன்? யோகமட்டுஞ் செய்தால்என்? யோசிப்பாய் கல்மனமே! | 65 |
| பேசாது இருப்பதற்குத்தான் கற்ற கல்வியன்றோ வாகான மெய்க்கல்வி? வகுத்தறிநீ கல்மனமே! | 66 |
அறிவோடு கிளத்தல் எல்லாப் பொருள்களையும் எண்ணப்படி படைத்த வல்லாளன் தன்னை வகுத்தறிநீ புல்லறிவே. | 67 |
| கட்புலனுக்கு எள்ளளவும் காணாது இருந்தெங்கும் உட்புலனாய் நின்றஒன்றை உய்த்தறிநீ புல்லறிவே. | 68 |
| விழித்திருக்கும் வேளையிலே விரைந்துறக்கம் உண்டாகும் செழித்திலங்கும் ஆன்மாவைத் தேர்ந்தறிநீ புல்லறிவே. | 69 |
| மெய்யில்ஒரு மெய்யாகி மேலாகிக் காலாகிப் பொய்யில்ஒரு பொய்யாகும் புலமறிநீ புல்லறிவே. | 70 |
| ஆத்துமத்தின் கூறான அவயவப்பேய் உன்னுடனே கூத்துபுரிகின்ற கோள் அறிவாய் புல்லறிவே. | 71 |
| இருட்டறைக்கு நல்விளக்காய் இருக்கும்உன்றன் வல்லமையை அருள்துறையில் நிறுத்தி விளக்காகுநீ புல்லறிவே. | 72 |
| நல்வழியில் சென்று நம்பதவி எய்தாமல் கொல்வழியிற் சென்று குறுகுவதேன் புல்லறிவே. | 73 |
| கைவிளக்குக் கொண்டு கடலில்வீழ் வார்போல் மெய்விளக்குன் னுள்ளிருக்க வீழ்குவதேன் புல்லறிவே. | 74 |
| வாசிக்கு மேலான வாள்கதியுன் னுள்ளிருக்க யோசிக்கு மேற்கதிதான் உனக்கரிதோ புல்லறிவே. | 75 |
| அன்னையைப்போல் எவ்வுயிரும் அன்புடனே காத்துவரும் முன்னவனைக் கண்டு முக்தியடை புல்லறிவே. | 76 |
சித்தத்தொடு கிளத்தல் கண்ணிகள் அஞ்ஞானம் போயிற்றென்று தும்பீபற - பர மெய்ஞ்ஞானம் வாய்த்தென்று தும்பீபற - பர | 77 |
| அல்லல்வலை இல்லையென்றே தும்பீபற - நிறை தொல்லைவினை நீங்கிற்று என்றே தும்பீபற - பரஞ் | 78 |
| ஐம்பொறி அடங்கினவே தும்பீபற - நிறை செம்பொருள்கள் வாய்த்தனவே தும்பீபற - ஒரு | 79 |
| மூவாசை விட்டோ மென்றே தும்பீபற - பர தேவாசை வைத்தோமென்று தும்பீபற - இந்தச் | 80 |
| பாழ்வெளியை நோக்கியே தும்பீபற - மாயைப் வாழ்விடம் என்றெய்தோம் தும்பீபற - நிறை | 81 |
| எப்பொருளும் கனவென்றே தும்பீபற - உல அப்பிலெழுத் துடலென்றே தும்பீபற - என்றும் | 82 |
குயிலொடு கிளத்தல் கரணங்கள் ஒருநான்கும் அடங்கினவே - கெட்ட சரணங்கள் ஒருநான்கும் கண்டனமென்றே - நிறை | 83 |
| உலகம் ஒக்காளமாம் என்றோதுகுயிலே - எங்கள் பலமதம் பொய்மையே என்றோதுகுயிலே - எழு | 84 |
| சாதனங்கள் செய்தவர்கள் சாவார்குயிலே - எல்லாத் மாதவங்கள் போலும்பலன் வாயாக்குயிலே - மூல | 85 |
| எட்டிரண்டு அறிந்தோர்க்குஇடர் இல்லைகுயிலே - மனம் நட்டணையைச் சார்ந்தறிந்து கொள்ளு குயிலே - ஆதி | 86 |
மயிலொடு கிளத்தல் ஆடுமயிலே நடமாடு மயிலே எங்கள் கூடுபோகு முன்னங்கதி கொள்ளுமயிலே - என்றும் | 87 |
| இல்லறமே அல்லலாமென்று ஆடுமயிலே - பத்தி நல்லறமே துறவறங் காணுமயிலே - சுத்த | 88 |
| காற்றூனைப் போல்மனத்தைக் காட்டுமயிலே - வரும் பாற்றூடு உருவவே பாயுமயிலே - அகப் | 89 |
அன்னத்தொடு கிளத்தல் சிறுதவளை தான்கலக்கிற் சித்திரத்தின் நிழல்மறையும் மறுவாயைத் தான்கலக்கின் மதிமயங்கும் மடவனமே. | 90 |
| காற்றின் மரமுறியும் காட்சியைப்போல் நல்லறிவு தூற்றிவிடில் அஞ்ஞானம் தூரப்போம் மடவனமே. | 91 |
| அக்கினியாற் பஞ்சுபொதி அழிந்திட்ட வாறேபோல் பக்குவநல் அறிவாலே பாவம்போம் மடவனமே. | 92 |
| குளவிபுழு வைக்கொணர்ந்து கூட்டில் உருப்படுத்தல்போல் வளமுடைய வன்மனத்தை வசப்படுத்து மடவனமே. | 93 |
| அப்புடனே உப்புச் சேர்ந்தளவுசரி யானதுபோல் ஒப்புறவே பிரமமுடன் ஒன்றிநில்லு மடவனமே. | 94 |
| காய்ந்த இரும்புநிறங் காட்டுதல்போல் ஆத்துமத்தை வாய்ந்திலங்கச் செய்து வளம்பெறுநீ மடவனமே. | 95 |
புல்லாங்குழலூதல் தொல்லைப் பிறவி தொலைத்தக்கார்க்கு முத்திதான் | 96 |
| இந்திர போகங்கள் எய்தினுந் தொல்லையென்று | 97 |
| மோன நிலையில் முத்திஉண்டாம் என்றே | 98 |
| நாய்போற் பொறிகளை நானாவி தம்விட்டோ ர் | 99 |
| ஓடித் திரிவோர்க்கு உணர்வுகிட் டும்படி | 100 |
| ஆட்டுக் கூட்டங்களை அண்டும் புலிகளை | 101 |
| மட்டிக் குணமுள்ள மாரீச நாய்களைக் | 102 |
| கட்டாத நாயெல்லாம் காவலுக் கெப்போதும் | 103 |
| பெட்டியிற் பாம்பெனப் பேய்மனமே அடங்க | 104 |
| எனதென்றும் யானென்றும் இல்லா திருக்கவே | 105 |
| அற்ற விடமொன்றே அற்றதோடு உற்றதைக் | 106 |
பால் கறத்தல் சாவாது இருந்திட பால்கற - சிரம் வேவாது இருந்திட பால்கற - வெறு | 107 |
| தோயாது இருந்திடும் பால்கற வாயால் உமிழ்ந்திடும் பால்கற - வெறும் | 108 |
| நாறா திருந்திடும் பால்கற மாறாது ஒழுகிடும் பால்கற - தலை | 109 |
| உலகம் வெறுத்திடும் பால்கற - மிக கலசத்தினுள் விழப் பால்கற - நிறை | 110 |
| ஏப்பம் விடாமலே பால்கற - வரும் தீப்பொறி ஓய்ந்திடப் பால்கற - பர | 111 |
| அண்ணாவின் மேல்வரும் பால்கற - பேர் அண்டத்தில் ஊறிடும் பால்கற விண்ணாட்டில் இல்லாத பால்கற - தொல்லை வேதனை கெடவே பால்கற. | 112 |
கிடை கட்டுதல் இருவினையாம் மாடுகளை ஏகவிடு கோனே - உன் அடங்குமன மாடொன்றை அடக்கிவிடு கோனே. | 113 |
| சாற்றரிய நைட்டிகரே தற்பரத்தைச் சார்வார் - நாளும் தவமாகக் கழிப்பவரே சன்னமதில் வருவார். | 114 |
| அகங்கார மாடுகள்மூன்று அகற்றிவிடு கோனே - நாளும் அவத்தையெனும் மாடதைநீ அடக்கிவிடு கோனே. | 115 |
| ஒருமலத்தன் எனுமாட்டை ஒதுக்கிக்கட்டு கோனே! - உன் உறையுமிரு மலந்தனையும் ஓட்டிக் கட்டுக் கோனே. | 116 |
| மும்மலத்தன் எனுமாட்டை முறுக்கிக்கட்டுக் கோனே - மிக முக்கால நேர்மையெல்லாம் முன்பறிவாய் கோனே. | 117 |
| இந்திரியத் திரயங்களை இறுக்கிவிடு கோனே - என்றும் இல்லை என்றேமரணக்குழல் எடுத்து ஊதுகோனே. | 118 |
| உபாதியெனும் மூன்றாட்டை ஓட்டிவிடு கோனே! - உனக் குள்ளிருக்கும் கள்ளமெல்லாம் ஓடிப்போம் கோனே. | 119 |
| முக்காய மாடுகளை முன்னங்கட்டுக் கோனே - இனி மோசமில்லை நாசமில்லை முத்திஉண்டாங் கோனே. | 120 |
| கன்மமல மாடுகளைக் கடைக்கட்டுக் கோனே - மற்றக் கன்மத்திர யப்பசுவைக் கடையிற்கட்டுக் கோனே. | 121 |
| காரணக்கோ மூன்றையுங் கால்பிணிப்பாய் கோனே - நல்ல கைவசமாய் சாதனங்கள் கடைப்பிடிப்பாய் கோனே. | 122 |
| பிரம்மாந்திரத்திற்பே ரொளிகாண் எங்கள்கோனே - முத்தி பேசாதிருந்து பெருநிட்டைசார் எங்கள் கோனே. | 123 |
| சிரமதிற் கமலச் சேவைதெரிந் தெங்கள்கோனே - வாய் சித்திக்குந் தந்திரம் சித்தத்தறியெங்கள் கோனே. | 124 |
| விண்நாடி வத்துவை மெய்யறிவிற் காணுங்கோனே - என்றும் மெய்யே மெய்யில்கொண்டு மெய்யறிவில் செல்லுங்கோனே. | 125 |
| கண்ணாடியின் உள்ளே கண்டுபார்த்துக் கொள்ளுகோனே - ஞானக் கண்ணன்றிக் கண்ணடிகாண ஒண்ணாதெங்கள் கோனே. | 126 |
| சூனியமானத்தைச் சுட்டுவார் எங்குண்டு கோனே - புத்தி சூக்குமமேயதைச் சுட்டுமென்று எண்ணங்கொள் கோனே. | 127 |
| நித்தியமானது நேர்படி லேநிலை கோனே! - என்றும் நிற்குமென்றே கண்டு நிச்சயங்காணெங்கள் கோனே. | 128 |
| சத்தியும் பரமும் தன்னுட் கலந்தேகோனே - நிட்டை சாதிக்கில் இரண்டுந்தன்னுள்ளே காணலாங் கோனே. | 129 |
| கூகைபோல் இருந்து மோனத்தைச்சாதியெங் கோனே - பர மூலநிலைகண்டு மூட்டுப் பிறப்பறு கோனே. | 130 |
கருத்துகள் இல்லை:
கருத்துரையிடுக