சிறப்பான சித்தர் கோவில்கள் ..

                                 

                    பூவுலகில் எண்ணற்ற சக்தி வாய்ந்த ஆலயம் பல இருப்பினும் அக்கோவில்கள் பிரபலம் ஆவதற்கும் ஆற்றலை அள்ளி வழங்குவதற்கும் அங்கே கண்டிப்பாக ஒரு சித்தர் ஜீவ சமாதி கொண்டிருப்பார் . உதாரணத்திற்கு திருச்செந்தூர்,மதுரை , சிதம்பரம் , திருவண்ணாமலை , கும்பகோணம் , பழனி இன்னும் நிறைய திருத்தலங்கள் எண்ணற்ற சித்தர்கள் . 

  சித்தர்களை வணங்கும்போது நம்முடைய தீவினையின் தாக்கம் சீக்கிரம் குறையும் அவர்கள் தன்னுடைய ஆற்றல் எனும் அக்கினியில் நம்முடைய கர்மாக்களை எரிக்க கூடியவர்கள் . கண்டிப்பாக கர்மாவை  கழித்து தான் ஆக வேண்டும் . ஒரு பெரிய பாறையில் நம் தலை மோத வேண்டி இருக்கிறது இது கர்மா , அது நம் தலை மீது விழுந்தால் அவ்ளோ தான் தலை அதே பாறையில் நம் தலை இடித்தால் சிறு காயத்தோடு தப்பி விடலாம் .  சித்தர்கள் நமக்கு வரும் துன்பத்தை குறைத்து நம்மை வழி நடத்துவார்கள் . அவர்கள் ஆசி இருந்தால் எல்லாம் சாத்தியம் . ஒரு குரு கிடைப்பது சாதாரண விஷயமல்ல ஈசன் அருளும் , பூர்வ புண்ணியமும் இருந்தால் மட்டுமே சாத்தியம் . 

                 அப்படிப்பட்ட சித்தர்கள் அருள் செய்யும் ஆலயங்கள் பற்றியும் இருப்பிடம் பற்றியும் இனி வரும் பதிவுகளில் பாப்போம்  

மகான் ஸ்ரீ பட்டினத்தார் தியான நிலையம் 

ஸ்ரீ பட்டினத்தார் குடில் 

வண்ணாரப்பேட்டை , தாளமுத்து நகர் 

தூத்துக்குடி 2 ,  9944091910

                                   

சிவ தாண்டவ ஸ்தோத்திரம்

சிவ தாண்டவ ஸ்தோத்திரம்

ஜடா டவீ கலஜ் ஜல ப்ரவாஹ பாவித ஸ்தலே
கலே வலம்ப்ய லம்பிதாம் புஜங்க துங்க மாலிகாம்
டமட் டமட் டமட்டமன் னினாதவட் டமர் வயம்
சகார ச்சண்ட தாண்டவம் தனோத்து னஃ ஷிவஃ ஷிவம்  1

சிவனின், அடர்ந்த காடு போன்ற ஜடாமுடியிலிருந்து புனித கங்கை அவன் கழுத்து வழியாக வழிந்து பூமியில் பட்டு பூமி புனிதமடைகின்றது. அந்த புனித பூமியில் சிவன் ஆனந்த தாண்டவம் புரிகிறான்.
கம்பீரமான ராஜ நாகம் அவன் கழுத்தை மாலை போல் அலங்கரிக்கின்றது.
அவன் உடுக்கையிலிருந்து டமட் டமட் டமட் எனும் நாதம் தொடர்ச்சியாகக் கிளம்பி எங்கும் பரவிக் கொண்டிருக்க, அதன் மத்தியில் சிவன் தாண்டவம் ஆடிக்கொண்டிருக்கிறான். எம் இறைவனே! உன் அருள் மழையை எங்கள் அனைவரின் மீதும் பொழிவாயாக!


ஜடா கடாஹ ஸம்ப்ரம ப்ரமன் னிலிம்ப னிர்ஜரீ
விலோல வீச்சி வல்லரீ விராஜமான மூர்தனி
தகத் தகத் தகஜ் ஜ்வலல் லலாட்ட பட்ட பாவகே
கிஷோர சந்த்ர ஸேகரே ரதிஃ ப்ரதிக்ஷணம் மம   2

சிவனின் நீண்ட ஜடாமுடி அனல் கக்கும் எரிமலை போல அங்கும் இங்கும் புனித கங்கையோடு சேர்ந்து சுழல்கின்றது.
அடர்ந்த கொடிகளைப் போன்ற அவனின் கேசமானது பேரலைகளைப் போல் ஆர்ப்பரிக்கின்றன. நெற்றியோ பேரொளியாய்ப் பிரகாசிக்கின்றது.
நெற்றிப் பரப்பிலிருந்து தக தக தகவென்று எரியும் நெருப்பு புறப்பட்டுச் சென்று திசையெங்கும் பரவுகிறது.
தலை உச்சியில் இளம்பிறை ஜொலிக்க எம் இறைவனான சிவபெருமான் ஆனந்த தாண்டவம் ஆடிக்கொண்டிருக்கிறான்.


தரா தரேந்த்ர நந்தினீ விலாஸ பந்து பந்துர
ஸ்புரத் திகந்த ஸந்ததி ப்ரமோதமான மானஸே |
க்றுபா கடாக்ஷ தோரணீ னிருத்த துர்த ராபதி
க்வசித் திகம்பரே மனோ வினோதமேது வஸ்துனி   3

அழகிய உமையாளை, பர்வத ராஜனின் மகளான பார்வதியை ஒரு பாகமாகக் கொண்டு, உலகை இரட்சித்துத் திருவிளையாடல் புரிகின்றான்.
முழு உலகும் சிவ தாண்டவத்தால் அதிர்கின்றது. அவனிலிருந்து சூட்சமமான அலைகள் புறப்பட்டு எங்கும் பரவி நிலவுலகம் முழுவதும் ஆனந்தமயமாகின்றது.அவன் தன் கருணைப்பார்வையால் கடும் துன்பத்தையும் நீக்கி அருள்கின்றான்.திகம்பரனான சிவன் (பற்றற்ற, ஆகாயத்தையே ஆடையாகக் கொண்ட) சில நேரங்களில் பக்தர்களிடம் திருவிளையாடல் புரிய மனதில் எண்ணம் கொள்கின்றான்.


ஜடா புஜங்க பிங்கள ஸ்புரத் பணா மணி ப்ரபா
கதம்ப குங்கும த்ரவ ப்ரலிப்த திக்வதூ முகே
மதா ந்த ஸிந்துர ஸ்புரத் த்வக் உத்தரீய மேதுரே
மனோ வினோத மத்புதம் பிபர்து பூத பர்தரி  4

அவன் கழுத்தில் கொடி போல் படர்ந்திருக்கின்ற நாகங்கள் எல்லாம் படமெடுத்தவாறு தங்களின் ஒளிரும் மாணிக்க் கற்கள் தெரியும்படி ஆடிக்கொண்டிருக்கின்றன.அந்த மாணிக்கங்களின் ஒளியில் திசைகள் அனைத்தும் குங்குமப்பூவைக் கரைத்து ஊற்றிய வண்ணத்தில் அழகிய மணப்பெண் போல ஜொலி ஜொலிக்கின்றது.மத யானையின் தோலாலான எம் இறைவனின் மேலாடை அவனோடு சேர்ந்து ஒளிர்ந்து கொண்டு அசைந்தாடுகின்றது.அனைத்து உயிர்களையும் காப்பவனாகிய சிவபெருமானின் இந்தத் திரு நடனத்தால் எனது உள்ளம் ஆனந்த வெள்ளத்தில் திளைக்கின்றது.

ஸஹஸ்ர லோச்சன ப்ரப்றுத்ய ஸேஷ லேக சேகர
ப்ரஸூன தூளி தோரணீ விதூஸரா ம்க்ரி பீட பூஃ
புஜங்க ராஜ மாலயா னிபத்த ஜாட ஜூடக
ஸ்ரியை சிராய ஜாயதாம் சகோரபந்து சேகரஃ  5

ஆயிரம் கண்களையுடைய இந்திரனும், மற்ற பிற தேவர்கள் அனைவரும் சிவபெருமானின் அருள் பெற மண்டியிட்டு வணங்குகிறார்கள்.
அவர்கள் அனைவருக்கும், இடைவிடாமல் புழுதி பறக்க ஆடிக்கொண்டிருக்கும் எம் இறைவனின் திருப்பாதம் அருளை வாரி வழங்குகின்றது.
அள்ளி முடிந்த ஜடாமுடியை ராஜ நாகத்தால் கட்டி
அதன் மீது சகோராவின் (சகோரா - நிலவொளியைக் குடிக்கும் ஒரு பறவை) தோழியான ஒளிரும் தூய வெண்மதியைச் சூடியுள்ளான். அது அவன் அருள் போன்ற பாலொளியைச் சிந்திக்கொண்டிருக்கின்றது.


லலாட்ட சத்வர ஜ்வலத் தனஞ்ஜய ஸ்புலிங்க பா
நிபீத பஞ்ச ஸாயகம் நமன் னிலிம்ப நாயகம்
ஸுதா மயூக லேகயா விராஜமான சேகரம்
மஹா கபாலி ஸம்பதே ஸிரோ ஜடாலம் அஸ்து னஃ  6

சிவனின் நெற்றிக் கண்ணிலிருந்து புறப்படும் ஜுவாலை தன் ஒளியை திசையெங்கும் பரப்பிக் கொண்டிருக்கிறது.
அந்த ஜுவாலையால் ஐந்து அம்புகளையும் (காம தேவனின்) எரித்து (இறுதியில்) காமனையும் எரித்து சாம்பலாக்கினான்.
அமுதைச் சுரக்கும் பிறை நிலவைச் சூடியிருக்கும்
மஹா கபாலியின் ஜடாமுடியிலிருந்து, நாம் அனைவரும் சகல செல்வ சம்பத்துக்களையும் பெற்று வாழ்வோமாக!


கரால பால பட்டிகா தகத் தகத் தகஜ் ஜ்வலத்
தனஞ்ஜயாம் ஹுதீ க்றுத ப்ரசண்ட பஞ்ச ஸாயகே
தரா தரேந்த்ர நந்தினீ குசாக்ர சித்ர பத்ரக
ப்ரகல்பனை (ஏ)க ஸில்பினி த்ரிலோச்சனே மதிர் மம  7

மிரள வைக்கும் தன் நெற்றிக் கண்ணிலிருந்து புறப்படும் தக தக தகவென்ற அக்னியால்
மன்மதனின் ஐந்து அம்புகளையும் எரித்து முடிவில் அவனையும் சாம்பலாக்கிய எம் இறைவன்
தன் அற்புதத் தாண்டவமாடும் திருவடிகளால் உலகில் அதாவது மலை மகளின் (பார்வதி தேவி) உடலில் பல்வேறு ஓவியங்களை (பல்வேறு வகையான படைப்புகள்) வரைகிறான்.
அவனே அனைத்து படைப்புகளையும் உருவாக்கும் ஒரே சிற்பியாக (ஏக இறைவனாக) இருக்கின்றான்.  முக்கண் பெருமானின் இந்த தாண்டவத்தால் என்னுள்ளம் பூரிப்படைகிறது.


நவீன மேக மண்டலீ னிருத்த துர்தர ஸ்புரத்
குஹூ நிஸிதினீ தமஃ ப்ரபந்த பந்து கண்தரஃ
நிலிம்ப னிர்ஜரீ தரஸ் தனோது க்றுத்தி ஸிந்துரஃ
கலா நிதான பந்துரஃ ஸ்ரியம் ஜகத் துரந்தரஃ  8

சிவன் தன் தாண்டவத்தின் அதிர்வுகளால் கட்டுப்படுத்தவே முடியாத புதிய மேகங்களை (கர்ம வினைகளை) அடக்கி வைக்கின்றான்.
மேலும் அந்த அதிர்வுகளால் இருள் சூழ்ந்த இரவின் கரு நிறத்தைத் தன் கண்டத்தில் கட்டி வைத்துள்ளான்.
புனித கங்கையை தன் சடையில் தாங்கியவனே! யானைத் தோலை உரித்து ஆடையாகக் கட்டியவனே! சிவந்த மேனியனே!
பிறை சூடனே! அண்ட சராசரங்களைத் தாங்குபவனே! உன் அருளால் எங்கள் அனைவரையும் இரட்சிப்பாயாக!


ப்ரபுல்ல நீல பங்கஜ ப்ரபஞ்ச காலிம ப்ரபா
வலம்பி கண்ட கந்தலீ ருச்சி ப்ரபத்த கந்தரம் |
ஸ்மர ச்சிதம் புர ச்சிதம் பவ ச்சிதம் மக ச்சிதம்
கஜ ச்சி தாந்தக ச்சிதம் தம (அ)ந்தக ச்சிதம் பஜே || 9 ||

உலக பாவங்களின் கரிய வடிவமாகிய ஆலகால விஷம் அவன் கழுத்தில் மலர்ந்துள்ள அழகிய நீல நிறத் தாமரை போல தோற்றமளிக்கிறது.
அதை அவன் தன் வலிமையால் அடக்கி கழுத்தில் ஆபரணமாக அணிந்துள்ளான்.
காமனை எரித்தவனே! திரிபுரங்களை எரித்தவனே! உலகப் பற்றுகளை அறுத்தவனே! (தட்சனின்) யாகத்தை வீழ்த்தியவனே!
கஜாசூரனை அழித்தவனே! அந்தகன் எனும் அசுரனை அழித்தவனே! யமனை அழித்த எங்கள் இறைவனான சிவபெருமானே! உன்னை வணங்குகின்றேன்.


அகர்வ ஸர்வ மங்களா கலா கதம்ப மஞ்ஜரீ
ரஸ ப்ரவாஹ மாதுரீ விஜ்றும்பணா மது வ்ரதம் |
ஸ்மராந்தகம் புராந்தகம் பவாந்தகம் மகாந்தகம்
கஜாந் தகா (அ)ந்தகாம்தகம் தம (அ)ந்தகாம் தகம் பஜே || 10 ||

என்றென்றும் வற்றாத, ஆரா அமுதத்தை அனைவருக்கும் அளிப்பவன் ! வண்டுகள் மொய்க்கும் தேன் நிறைந்த கதம்ப மாலையைச் சூடியிருப்பவன்!
அவன் தாண்டவத்தில் ஊற்றெடுக்கும் அமுதம் பொங்கி வழிந்து, அவனால் உருவாக்கப்பட்ட அனைத்து ஜீவராசிகளையும் உய்விக்கின்றது.
மன்மத நாசனே! மும்மலங்களை எரித்தவனே! அனைத்து வகையான உலகாய தன்மைகளையும் கடந்தவனே! (தட்சனின்) யாகத்தை முடிவுக்குக் கொண்டு வந்தவனே!
கஜாசூரனை சம்ஹாரம் செய்தவனே! அந்தகாசூரனை வீழ்த்தியவனே! காலனை அழித்த கருணா மூர்த்தியே! உன்னைப் பாடித் துதிக்கின்றேன்.


ஜயத் வத ப்ரவிப்ரம ப்ரமத் புஜங்கம ஸ்வஸத்
த்வினிர்கமத் க்ரம ஸ்புரத் கரால பால ஹவ்ய வத் |
திமித் திமித் திமித்வனன் ம்ருதங்க துங்க மங்கள
த்வனி க்ரம ப்ரவர்தித ப்ரச்சண்ட தாண்டவஃ ஷிவஃ || 11 ||

சிவனின் புருவங்கள் இரண்டும் துடிப்பது அண்ட சராசரங்களின் மேல் அவனுக்கு இருக்கும் முழு ஆளுமையைக் காட்டுவதாய் உள்ளது. அவனின் உடலசைவோடு சேர்ந்து கழுத்தில் சுற்றியுள்ள நாகமும் சீறிக்கொண்டு அசைந்தாடுகிறது.
அவனுடைய நெற்றிக்கண், நேர்ச்சைப் பொருட்களை ஏற்கும் பலிபீடம் (ஹோம குண்டம்) போல் இடைவிடாமல் நெருப்பை உமிழ்ந்து கொண்டே இருக்கின்றது.
மிருதங்கமானது  தொடர்ச்சியாக டிமிட் டிமிட் டிமிட் என்று தெய்வீக ஒலியை திசையெங்கும் பரப்பிப் கொண்டிருக்க. .
அந்தத் தாள லயத்தோடு சேர்ந்து, எம் இறைவனான சிவபெருமான் ஆனந்த தாண்டவம் ஆடிக்கொண்டிருக்கிறான்.


//சகல உயிர்கள் மற்றும் வஸ்துக்களிலும் சதாசிவனே உறைந்திருப்பதால், உலகின் இருமை நிலைகளைக் கடந்து ஒருமை நிலையை எய்த இறைஞ்சும் விதமாக 12 வது ஸ்லோகம் அமைந்துள்ளது//

த்றுஷத் விசித்ர தல்பயோர் புஜங்க மௌக்திக ஸ்ரஜோர்
கரிஷ்ட ரத்ன லோஷ்டயோஃ ஸுஹ்றுத் விபக்ஷ பக்ஷயோஃ |
த்றுணா (அ)ரவிந்த சக்ஷுஷோஃ ப்ரஜா மஹீ மஹேந்த்ரயோஃ
ஸமம் ப்ரவர்திகஃ கதா சதாஷிவம் பஜே || 12 ||

இறைவனே! என்று நான் அழகிய வேலைப்பாடுள்ள மெத்தையையும், கட்டாந்தரையையும் ஒன்றாக உணரப் போகிறேன்?
என்று நான் நாக ரத்தினத்தால் செய்யப்பட்ட அழகிய மாலையையும் குப்பைக் கூழத்தையும் ஒன்றாக உணரப் போகிறேன்?
ஈசனே! என்று நான் புல்லைப் போன்ற சாதாரண கண்களையும் (சாதாரண பார்வை), தாமரையை ஒத்த அழகிய கண்களையும் (ஞானப் பார்வை) ஒன்றாக உணரப் போகிறேன்? என்று நான் சாதாரண குடிமகனையும், அரசனையும் வேறுபாடில்லாமல் உணரப் போகிறேன்?
என்று நான் சதாசிவனையே எங்கும் கண்டு அவனையே அடையும் நாள் வருமோ?


கதா நிலிம்ப னிர்ஜரீ னிகுஞ்ஜ கோட்டரே வஸன்
விமுக்த துர்மதிஃ ஸதா ஸிரஃ ஸ்த மஞ்ஜலிம் வஹன் |
விமுக்த லோல லோச்சனோ லலாம பால லக்னகஃ
ஷிவேதி மந்த்ர முச்சரன் கதா ஸுகீ பவாம் யஹம் || 13 ||

மஹேஷ்வரனே! என்று நான் புனித கங்கைக் கரையின் அடர்ந்த வனத்தின் நடுவிலுள்ள குகையை வந்தடைந்தடையப்போகிறேன்?
மனதின் தீய எண்ணங்கள் எல்லாம் நீங்கி, இரு கரங்களையும் சிரசின் மேல் தூக்கி உன்னை வணங்கித் துதிக்கும் நாள் என்று வருமோ?
கண்கள் அலைபாய்வதை விடுத்து, நெற்றியில் நீரோடு சிவ நாமத்தை ஜெபித்தபடி ஆனந்தம் பொங்க உன்னில் நான் கலந்திடும் காலம் என்று வரப் போகிறது?


இமம் ஹி நித்ய மேவ மு(உ)க்த மு(உ)த்தமோத்தமம் ஸ்தவம்
படன் ஸ்மரன் ப்ருவன் னரோ விஸுத்தி மேதி ஸந்ததம் |
ஹரே குரௌ ஸுபக்திம் (ஆ)ஸு யாதி னான்யதா கதிம்
விமோஹனம் ஹி தேஹினாம் ஸு ஷங்கரஸ்ய ச்சிந்தனம் || 14 ||

இங்ஙனம் மேலினும் மேலான சிவ பாசுரம் பாடப் பட்டுள்ளது.
இதை அனுதினமும் மனத் தூய்மையுடனும், ஈசன் மேல் தாளாத பக்தியுடனும் பாடித் துதிப்பவர்களுக்கு
இறைவனே குருவாக வந்தருள்வான். ஈசனை அடைய இதைவிட சிறந்த உபாயம் இல்லை.
இவ்வாறு பாடித் தியானிப்பவர்களின் அறியாமையை நீக்கி ஸ்ரீ சங்கரன் அருள் புரிவான்.


பூஜா வஸான ஸமயே தஸ வக்த்ர கீதம் யஃ
ஷம்பு பூஜன பரம் பட்ததி ப்ரதோஷே |
தஸ்ய ஸ்திராம் ரத கஜேந்த்ர துரங்க யுக்தாம்
லக்ஷ்மீம் ஸதைவ ஸு முகிம் ப்ரததாதி ஷம்புஃ || 15 ||

தினமும் பூஜை முடியும் நேரம், பத்து தலைகளைக் கொண்ட இராவணனின் இந்தப் பாடலைப் பாராயணம் செய்பவர்களுக்கும்,
பிரதோஷ காலங்களில் (சூரியன் அஸ்தமித்த பின்பு) இப்பாடலைப் பாடித் துதித்து
சிவ சிந்தனையில் நிலைத்திருப்பவர்களுக்கும், இறைவன் தேர், யானை, குதிரையோடு (சகல செல்வங்களையும்) அருளுவான்.
லட்சுமி தேவியும் தன் திரு முகத்தைக் காட்டி அருள் புரிவாள். மஹாதேவனும் கேட்ட வரங்களை அருளுவான்.

மகான் ஸ்ரீ பட்டினத்தார் தியான நிலையம் 

ஸ்ரீ பட்டினத்தார் குடில் 

6/400 வண்ணார் பேட்டை 

தாளமுத்து நகர் 

தூத்துக்குடி 2 

9944091910 

குருவருள் 

மஹான் ஸ்ரீ பட்டினத்து சுவாமிகள் அன்னதான அறக்கட்டளை 

அடியார்கள் இயன்ற உதவி செய்து இந்தக் காரியத்தில் எங்களுக்கு உறுதுணையாக இருக்க அடியேன் வேண்டுகிறேன் .

ஸ்ரீ பட்டினத்தார் அருள் எல்லோருக்கும் உரித்தாகுக . 

குருவே சரணம் குருவே துணை .

GPAY  நம்பர் 9944091910

 

சித்தர் பாடல்களில் இருந்து ....

                  மஹான் ஸ்ரீ பட்டினத்து சுவாமிகள் பாடல் .

வெட்டாத சக்கரம் பேசாத மந்திரம் வேறொருவர்க்கு’

எட்டாத புட்பம் இறையாத தீர்த்தம் இனிமுடிந்து

கட்டாத லிங்கம் கருதாத நெஞ்சம் கருத்தினுள்ளே

முட்டாத பூசையன் றோகுரு நாதன் மொழிந்ததுவே 

வெட்டாத சக்கரம்

பேசாத மந்திரம்

வேறொருவர்க்கு எட்டாத புட்பம்

இறையாத தீர்த்தம்

இனி முடிந்து கட்டாத லிங்கம்

கருதாத நெஞ்சம்

கருத்தினுள்ளே முட்டாத பூசை 

அன்றோ குருநாதன் மொழிந்ததுவே .

உடலில் உள்ள மூலாதாரம் முதலான ஆறு சக்கரங்கள் , தியானத்தில் கிடைக்கும் பேசா நிலை நிற்சிந்தனை இன்றி இருக்கும் பெரும் மௌனம் , தியானத்தில் தோன்றும் துரிய மலர், உள்ளே அண்ணாக்கில் சுரக்கும் அமுதம் , துணி முடிந்து கட்டாத அண்டம் என்னும் லிங்கம், எண்ணத்தில் அலைபாயாத நெஞ்சம், கருத்தில் செய்யும் பூசை ஆகியவற்றை எல்லாம் உரைத்தார் என் குருநாதர் என்கிறார் பட்டினத்தார் .  

                 சிவமேஜெயம் - திருவடி முத்துகிருஷ்ணன் 

சிவத்தை போற்றுவோம் !!! சித்தர்களை போற்றுவோம் !!!

மகான் ஸ்ரீ பட்டினத்தார் தியான நிலையம் 

ஸ்ரீ பட்டினத்தார் குடில் 

6/400 வண்ணார் பேட்டை 

தாளமுத்து நகர் 

தூத்துக்குடி 2 

9944091910 

  

 அம்பாள் வாலையரசி  பூசை .....

வாலையைப் பூசிக்க சித்தரானார் 

வாலைக் கொத்தாசையாய் சிவகர்த்தரானார் 

வேலையைப் பார்த்தல்லோ கூலி வைத்தார் 

இந்த விதம் தெரியுமோ வாலைப்பெண்ணே !

                        -கொங்கணச்சித்தர் வாலைக்கும்மி .

    

                  அண்டமத்தனையும் இயக்கும் சக்தி வாலையே , எல்லா உயிர்க்கும் புவனம் அனைத்திற்கும் இயக்கத்திற்கு காரணமாய் இருப்பவளும் அவளே அன்பிலே குழந்தை வடிவாய் ஆற்றலிலே மனோன்மணியாய் அனைத்துயிர்கட்கும் அருள்பவள் என் அன்னை வாலையே .

     ஆதிசக்தியின் குழந்தை வடிவமே வாலை இவளை பூசிக்காமல் சித்தி என்பது சத்தியமாய் சாத்தியமில்லை . பத்து வயது சிறுமியாய் இவளை பூஜித்து பூசையை ஆரம்பித்து படிப்படியாக சித்தி பெற்று பின் அன்னை மனோன்மணி தெய்வமாக பூசை முடித்து அவள் அருளாலே அப்பன் அருள் பெற்று மெய்யான நிலையை அடைந்தார்கள் சித்தர் பெருமக்கள் .

                 வாலையே அனைத்திற்கும் ஆதாரமாய் இருக்கும் ஆதிசக்தி அவளை அறிந்து அகப்பூசை செய்து சித்தி , முத்தி பெற்றவர்கள் சித்தர்கள் . வாலையை பூசிக்காத சித்தர் இல்லை . எல்லா சித்தர்களும் அவளை பூசித்து பாடல் பாடி பாடலிலே மறைபொருளாக அவளை வைத்து பாடியிருக்கிறார்கள் . நாமும் அன்னையை வணங்கி மாயையை வென்று அவளை நமக்குள் உணர்ந்து அவளின் அருளைப்பெறுவோம் . 

         இன்றைக்கிருப்பதும் பொய்யல்லவே - வீணே 

         நம் வாழ்க்கையென்பதும் பொய்யல்லவே 

         அன்றைக்கெழுத்தின் படி முடியும் - வாலை 

        ஆத்தாளைப் போற்றடி ஞானப்பெண்ணே !

                                             -  கொங்கணச்சித்தர் .

                       சிவமேஜெயம்   - திருவடி முத்துகிருஷ்ணன் 

         சிவத்தை போற்றுவோம் !!!     சித்தர்களை போற்றுவோம் !!!

 மகான் ஸ்ரீ பட்டினத்தார் தியான நிலையம் 

ஸ்ரீ பட்டினத்தார் குடில் 

6/400 வண்ணார் பேட்டை 

தாளமுத்து நகர் 

தூத்துக்குடி 2 

9944091910 

 

 

                                அடியேன் எழுதிய பாடல்கள் ...

                     சோதிக் கண்ணிகள்

அண்டம் படைத்த சோதி ஆதியந்த மில்லா சோதி
தாயுந் தந்தையுமான சோதி தாயுந்தந்தையுமில்லா சோதி

தானே உருவான சோதி தனக்கு நிகரற்ற சோதி
கண்டம் கருத்த சோதி அண்டமெல்லாம் நிறைந்த சோதி

அருவுருவாய் நின்ற சோதி குருவுக்குங் குருவான சோதி
பட்டிலூர் ஆளும் சோதி பட்டினத்தார்க் கருளிய சோதி

கழுமர மெரித்த சோதி கடுவெளி நின்ற சோதி
வறுமையை யகற்றும் சோதி பொறுமையை அளிக்கும் சோதி

பிள்ளையாய் வந்த சோதி தொல்லை தனை தீர்த்த சோதி
வொற்றியூர் உறைந்த சோதி குருநாதர் கலந்த சோதி

பிறவா நிலையருளும் சோதி பிறவிக்கு மருந்தான சோதி
வில்லடி பட்ட சோதி வில்வேஸ்வரனாய் நின்ற சோதி

கல்மிதக்க வைத்த சோதி கல்லடி பட்ட சோதி
பிள்ளைக்கறி கேட்ட சோதி தில்லையுள் ளெழுந்த சோதி

அயனு மாலுமறியா சோதி மயக்கம் தீர்க்கும் மகா சோதி
ஆலகால முண்ட சோதி ஆலமரத்தமர் அருஞ் சோதி

ஆனையுரி போர்த்த சோதி அயன்தலை பறித்த சோதி
கங்கை யணிந்த சோதி சங்கடங்கள் தீர்க்கும் சோதி

மூன்று புரமெரித்த சோதி முக்கண்ணுடைய முதற் சோதி
வளர் பிறையை பூண்ட சோதி மலர்கொன்றை சூடிய சோதி

எலிக்கருள் செய்த சோதி புலித்தோல் தரித்த சோதி
நந்திவிலக பணித்த சோதி நந்தனார்க் கருளிய  சோதி

நவகோள்கள் நடுங்கும் சோதி நடு நாயகமாய் நின்ற சோதி
பிட்டுக்கு மண்சுமந்த சோதி பட்டிலூ ரருளும் பரஞ்சோதி

வானுமண்ணுங் கடந்த சோதி ஆணும்பெண்ணுமான சோதி
வன்றொண்டர் போற்றும் சோதி தொண்டர்க்கு தூது சென்ற சோதி

திருவாசகம் எழுதிய சோதி திருவாகீசனாய் நின்ற சோதி
நரியை பரியாக்கிய சோதி உரிதிருடிக் கருளிய  சோதி

வேடன்கண் வாங்கிய சோதி வேடனை கண்ணப்பராக்கிய சோதி
முனிமைந்தனுக் கருளிய சோதி கூற்றுவனை யுதைத்த சோதி

காமத்தை கடந்த சோதி காமனை எரித்த சோதி
ஐம்பூதமாய் ஆன சோதி ஐம்புலன்களை அடக்கும் சோதி

சித்தம்தெளிய அருளும் சோதி சித்தருக்கருளிய சோதி
தொட்டிலூரை தடுக்கும் சோதி பட்டிலூர் உறைந்த சோதி

பந்தபாச மறுக்கும் சோதி வந்தவினை போக்கும் சோதி
குயவனை சோதித்த சோதி குவலயத்துள் நற்பேறளித்த சோதி

வெள்ளை விடையேறும் சோதி கொள்ளை பாவம்போக்கும் சோதி
கடையேனுக் கருளும் சோதி திருவிடைமருதூ ரமர்ந்த சோதி

திங்கள்முடி சூடிய சோதி எங்கள் பட்டிலூர் அமர்ந்த சோதி
வடலூர் வாழும் சோதி வள்ளலார் பார்த்த சோதி

முன்னை எரிக்கும் சோதி பின்னை தவிர்க்கும் சோதி
ஆடிப் படைக்குஞ் சோதி ஆடிக் காத்தழிக்கும் சோதி

தக்கன் வேள்வி தகர்த்த சோதி ஒக்கயெதுவும் இல்லா சோதி
வேதன் தலை பறித்த சோதி வேத நாயகனாய் நின்ற சோதி

அண்டமெல்லாம் கடந்த சோதி அண்டமெல்லா மாளும் சோதி
தொண்டருள்ளம் உறையும் சோதி விண்டவர் காணா சோதி

செல்வமெல்லாம் அருளும் சோதி பட்டிலூர் உறைந்த சோதி
வினையெல்லாம் தீர்க்கும் சோதி திருவாகீசனா யமர்ந்த சோதி .

  - திருவடி முத்து கிருஷ்ணன்

 மகான் ஸ்ரீ பட்டினத்தார் தியான நிலையம் 

ஸ்ரீ பட்டினத்தார் குடில் 

6/400 வண்ணார் பேட்டை 

தாளமுத்து நகர் 

தூத்துக்குடி 2 

9944091910 

                                  அடியேன் எழுதிய பாடல்கள் ....

                                          சிவமேஜெயம்


குருவே துணை       பட்டினத்தாரே சரணம்      குருவே சரணம்

                                 
                                   குரு வணக்கம்

காசினிமுற்றாகி னுங்கைக்குள் வந்தாலுந்தூ சேனுவாராதென்று
ஊசியாலுலக நிலையாமையுணர்ந்த உத்தமராமெம் குருநாதர்
பட்டினத்தார் பதமதை நாயேன் கருத்தில் நிறுத்தி யெங்கள்
பட்டில்பெரு மானுக்கு பாடல் யானியற்றுவனே . 

                             
                                  வில்வேஸ்வரர் வணக்கம்

வணங்குகிறேன் வானுமண்ணும ளந்தவன்காணாத் திருவடியை
வணங்குகிறேன் அண்டம்பலக டந்துமயன்காணாச் சடைமுடியை
வணங்குகிறேன் தொண்டருள்ளத் துறைந்தருளும் வில்வேஸ்வரனை
வணங்கி பட்டில்பெருமானுக்கு பாடலியற்றுவனே .


                               வாலை துதி

காலை கதிரவன் கண்ணியவளொரு கண்ணாம்
மாலை வருமதியும் மாதவள் மறு கண்ணாம்
மேலை யொருகண்ணோடு கண்மூன்று டையவளாம்
வாலை திரிபுரையின் பொற்பதமது காப்பு .


                             விநாயகர் வணக்கம்

மதயானை முகத்தவன் மனத்தால் நினைக்க வருபவன்
முதல்வீட்டி லருள்பவனருகம் புல்லிலகமகிழ் பவன்வினை
யகற்றிடும் நாயகன்மூஷிக மேறிடும் விநாயகன்பதம் பணிந்தீ
தகற்றிடும் திருவாகீசனுக்கு பாடலியற்றுவனே .


                                 சுப்ரமண்யர் வணக்கம்

அருணகிரி நாதருக்கு முதலடி யெடுத்துக் கொடுத்தானப்பன்
பரமனுக்கு பிரணவவிளக் கங்கொடுத்தா னலையாழிமால்
மருகனழகு முருகன்சுப்ர மன்யன்குகனை நாயேன்பணிந்து
திருவாகீச பெருமானுக்குப் பாடலியற்றுவனே .

                     திருவாகீசன் பாடல்கள்


அருவானவ னெங்குநிறைந்து அருவுருவானவன் கற்ப
தருவானவன் நிலையான இன்பந் தருவானவன் குருவுக்குங்
குருவானவன் மெய்யன்பரழைக்க வுடன் வருவானவன் தானே
உருவானவன் தன்னிகரில்லாத வனெங்களீசனே .

அஞ்சுபுலனை யுமடக்கும்வகை யறியேன்பஞ்ச பூதநாயகா
செஞ்சடையை நினையேன் பஞ்சனையை மறவேன் மாயையில்
துஞ்சிவீழ்ந் தின்னுமோர் கருப்பைக்கிருப் பவனைவில்வேசா
அஞ்சேலென் றபயமளித்தாட் கொள்ள வேண்டுமையா .

ஆற்றை யணிந்த தும்பை தலையன்
நீற்றை புணைந்த செந்நிற மேனியன்
கூற்றை பணிகொள் கூத்தன் பேரின்ப
பேற்றை யளிப்பவன் திருவாகீசனே .

வில்லடி பட்டான்பாசுபத மளித்திட்டா னன்பால்
கல்லடி பட்டான்கருணை பொழிந்திட்டா னற்றமிழால்
சொல்லடி பட்டான் கவர்ந்த பொருட் கொடுத்திட்டான்
அல்லற் படுமேழைக் கென்செய் வானோ ஒற்றியூரான்  .

மாயவன் தங்கைக்கு தன்னில் பாதி கொடுத்த
தூயவன் பிறந்திறந் தல்லற்படுத்துந்  தீராபெரும்
நோயதை தீர்ப்பவன் காலனுக்குங் காலனால
வாயன் வீற்றருள் செய்யும் விஜயாபதி .


             அண்டம் படைத்தவனாம்  - என் அப்பன்
                ஆலகால விடமுண்டவனாம்
           இன்னல் தவிர்ப்பவனாம்    - என் அப்பன்
                ஈடு இணை இல்லாதவனாம்
            உமையொரு பாகனாம்     -  என் அப்பன்
              ஊழ் வினை அறுப்பவனாம்
          எங்கும் நிறைந்தவனாம்     - என் அப்பன்
                     ஏகமாக நின்றவனாம்
            ஐயம் தீர்ப்பவனாம்           -  என் அப்பன்
                    ஒளிர்கின்ற மெய்ச் சுடராம்
           ஓங்காரப் பரம்பொருளாம் - என் அப்பன்
                   ஔடதமாய் பிணி தீர்ப்பவனாம்
             அஃகாது அவனருளை அளிப்பான் வில்வேஸ்வரன்  .

தங்கத்தை பழித்திடுஞ் செஞ்சடைதன்னில் வளர்பிறையுங்
கங்கையுஞ் சூடியகோல மென்ன ! சுட்டெரிக்கும் செந்தீயை
தங்கையி லேந்தியாடிடும் நின்நடமென்ன !பிற வாநிலையருளும்
எங்கள்குல தெய்வமேதிரு வாகீசா ஏழையெம்மை கண்டுகொள்ளே .

வேண்டேன்  சிந்தைதனில் உனையன்றி வேறோர் சிந்தனையை
வேண்டேன் யான்கைதொழ உனையன்றி வேறோர் தெய்வத்தை
வேண்டேன் நின்னடியார்நட் பல்லாமல்வே றோர்நட்பையென்றும்
வேண்டுவேன் திருவாகீசன் மலரடியை  யணைந்திருக்க .

ஒன்றான தன்னுள்ள யனைத்தையு மடக்கினான்
நன்றாக தொழுவோர்தம் தீவினையை முடுக்கினான்
குன்றாத பெருஞ்சுடரா யனைத்துங்கடந் துநின்றான்பத
மொன்றாத மூடனெனக் கருள்வானோ திருவாகீசன் .

ஒப்பிலொ ருவனைவுமை யொருபாகனைவே டன்கண்ணெடுத்
தப்பியபின் னருள்செய்தவ னைதாருவனமு னிவர்களேவிய
கப்பியகரி வுரிபோர்த்தவனை பட்டிலூரானை திருவாகீசனை
அப்பினில் உப்பெனவே கலந்திரு நன்னெஞ்சே .

விளக்கிட விலகிடுந் துன்பமெல்லாங் கதிர்பட்ட பனிபோற்றிறு
விளக்கிட அகன்றிடுந் தீவினையெல்லாம் பட்டிலூரானுக்குத்திரு
விளக்கிட குறைவிலாது பெருகிடுஞ்செல்வ மெலாம்வாகீசனுக்கு
விளக்கிடு மடியவர் வழியெலாம் வாழுமிது சத்தியமே .

திருப்பணி பலசெய்தான் வீரராஜேந்திரன் பட்டிலூர்பதிக்கு
திருப்பணி செய்திடுமடியவர் குறைதீருமென்றான் வாகீசனுக்கு
திருப்பணி செய்பவர்வம் சந்தழைத்தோங்கு மென்றான் பட்டிலூருக்கு
திருப்பணி செய்பவர்பதந் தன்தலைமேலென்று செப்பேடு செய்தானே .


                  

                        - திருவடி முத்து கிருஷ்ணன்

மகான் ஸ்ரீ பட்டினத்தார் தியான நிலையம் 

ஸ்ரீ பட்டினத்தார் குடில் 

6/400 வண்ணார் பேட்டை 

தாளமுத்து நகர் 

தூத்துக்குடி 2 

9944091910 

                       

                            

சித்தர் பாடல்களில் இருந்து ...

ஸ்ரீமத் பாம்பன் சுவாமிகள் அருளிய குமாரஸ்தவம் 

1. ஓம் ஷண்முக பதயே நமோ நமஹ

2. ஓம் ஷண்மத பதயே நமோ நமஹ

3. ஓம் ஷட்க்ரீவ பதயே நமோ நமஹ

4. ஓம் ஷட்க்ரீட பதயே நமோ  நமஹ

5. ஓம் ஷட்கோண பதயே நமோ நமஹ

6. ஓம் ஷட்கோஷ பதயே நமோ நமஹ

7. ஓம் நவநிதி பதயே நமோ நமஹ

8. ஓம் சுபநிதி பதயே நமோ நமஹ

9. ஓம் நரபதி பதயே நமோ நமஹ

10. ஓம் ஸுரபதி பதயே நமோ நமஹ 

11. ஓம் நடச்சிவ பதயே நமோ நமஹ 

12. ஓம் ஷடக்ஷர பதயே நமோ நமஹ

13. ஓம் கவிராஜ பதயே நமோ நமஹ 

14. ஓம் தபராஜ பதயே நமோ நமஹ

15. ஓம் இகபர பதயே நமோ நமஹ

16. ஓம் புகழ்முனி பதயே நமோ நமஹ

17. ஓம் ஜயஜய பதயே நமோ நமஹ

18. ஓம் நயநய பதயே நமோ நமஹ

19. ஓம் மஞ்சுள பதயே நமோ  நமஹ 

20. ஓம் குஞ்சரீ பதயே நமோ நமஹ

21. ஓம் வல்லீ பதயே நமோ நமஹ 

22. ஓம் மல்ல பதயே நமோ நமஹ

23. ஓம் அஸ்த்ர பதயே நமோ நமஹ

24. ஓம் சஸ்த்ர பதயே நமோ  நமஹ

25. ஓம் ஷஷ்டி பதயே நமோ நமஹ

26. ஓம் இஷ்டி பதயே நமோ நமஹ 

27. ஓம் அபேத பதயே நமோ நமஹ

28. ஓம் ஸுபோத பதயே நமோ நமஹ

29. ஓம் வியூஹ பதயே நமோ  நமஹ

30. ஓம் மயூர பதயே நமோ நமஹ

31. ஓம் பூத பதயே நமோ நமஹ

32. ஓம் வேத பதயே நமோ நமஹ

33. ஓம் புராண பதயே நமோ நமஹ

34. ஓம் ப்ராண பதயே நமோ  நமஹ

35. ஓம் பக்த பதயே நமோ நமஹ

36. ஓம் முக்த பதயே நமோ நமஹ

37. ஓம் அகார பதயே நமோ நமஹ

38. ஓம் உகார பதயே நமோ நமஹ 

39. ஓம் மகார பதயே நமோ நமஹ

40. ஓம் விகாச பதயே நமோ நமஹ

41. ஓம் ஆதி பதயே நமோ நமஹ

42. ஓம் பூதி பதயே நமோ நமஹ

43. ஓம் அமார பதயே நமோ நமஹ

44. ஓம் குமார பதயே நமோ  நமஹ

     பாம்பன் சுவாமிகள் அருளிய இந்த நாற்பத்தி நான்கு வரிகளை தினமும் காலையில்  குளித்துவிட்டு பூஜை அறையில் முருகப்பெருமானின் திருவுருவ படத்திற்கு முன்பு ஒரு தீபம் ஏற்றி வைத்துவிட்டு மனதார இந்த வரிகளை பார்த்து வாயார ஒரே ஒரு முறை உச்சரித்தாலே போதும். உங்கள் வாழ்க்கையில் வெற்றிதான் தவிரவும் துஷ்ட சக்திகள் உங்களைக் கண்டு அஞ்சும் வேல் வழிபாடு மிகவும் சக்தி வாய்ந்தது அன்னை பார்வதி தேவியின் அம்சம் அல்லவா வேல் அதைக் கொண்டு சூரர்களை அழித்து தர்மத்தை நிலைநாட்டினார் முருகப்பெருமான் . நாமும் தினமும் குமாரஸ்தவம் படித்து எதிர்மறை எண்ணங்களையும் துர்சக்திகளையும் சம்ஹாரம் செய்வோம் முருகன் அருள் கொண்டு .

   

                    என்றும் இறைபணியில் 

                        சிவமேஜெயம் - திருவடி முத்துகிருஷ்ணன் 

சிவத்தை போற்றுவோம் !!! சித்தர்களை போற்றுவோம் !!!

மகான் ஸ்ரீ பட்டினத்தார் தியான நிலையம் 

ஸ்ரீ பட்டினத்தார் குடில் 

6/400 வண்ணார் பேட்டை 

தாளமுத்து நகர் 

தூத்துக்குடி 2 

9944091910 

ஆன்மீக தகவல்கள்

திருமுருக கிருபானந்த வாரியார் சொற்பொழிவில் இருந்து ...

தன்னிடம் கேள்வி கேட்டவரிடம் வாரியார் சுவாமிகள் கூறிய விளக்கம் 

கடவுளைக் கண்ணால் காண முடியுமா....?'' என்று ஒருவர் கேள்வி கேட்க வாரியார் சுவாமிகள் "உன் கேள்விக்குப் பதில் சொல்வதற்கு முன் ....,

ஒரு கேள்வி, தம்பீ......!

இந்த உடம்பை நீ கண்ணால் பார்க்கின்றாயா...?''

எனக்கென்ன கண் இல்லையா.......?

இந்த உடம்பை எத்தனையோ காலமாகப் பார்த்து வருகிறேன்.'' ...!!

"தம்பீ......!

கண் இருந்தால் மட்டும் போதாது......!!

கண்ணில் ஒளியிருக்க வேண்டும்......!!

காது இருந்தால் மட்டும் போதுமா.....?

காது ஒலி கேட்பதாக அமைய வேண்டும்.....!!

அறிவு இருந்தால் மட்டும் போதாது.......!!

அதில் நுட்பமும் திட்பமும் அமைந்திருக்க வேண்டும்...!!

உடம்பை நீ பார்க்கின்றாய்....!!

இந்த உடம்பு முழுவதும் உனக்குத் தெரிகின்றதா....?''

"ஆம். நன்றாகத் தெரிகின்றது.''

"அப்பா...! அவசரப்படாதே.....!!

எல்லாம் தெரிகின்றதா....?''

"என்ன ஐயா....!
தெரிகின்றது..., தெரிகின்றது..., என்று எத்தனை முறை கூறுவது....?

எல்லாம்தான் தெரிகின்றது....?''

"அப்பா....!
எல்லா அங்கங்களும் தெரிகின்றனவா...?''

"ஆம்! தெரிகின்றன.''.....!!

"முழுவதும் தெரிகின்றதா...?''

அவன் சற்று எரிச்சலுடன் உரத்த குரலில்,

"முழுவதும் தெரிகின்றது'' என்றான்....!!

"தம்பீ...!
உன் உடம்பின் பின்புறம் தெரிகின்றதா....?''

மாணவன் விழித்தான்.

"ஐயா...! பின்புறம் தெரியவில்லை.'' "என்றான்.

தம்பீ...! முதலில் தெரிகின்றது.. தெரிகின்றது.. என்று பலமுறை சொன்னாய்....!!

இப்போது பின்புறம் தெரியவில்லை என்கின்றாயே....!!

சரி, முன்புறம் முழுவதுமாவது தெரிகின்றதா...?''

"முன்புறம் முழுவதும் தெரிகின்றதே.'...!!

நிதானித்துக் கூறு....!!.''

"எல்லாப் பகுதிகளையும் காண்கின்றேன்....!!

எல்லாம் தெரிகின்றது.'...!!'

"தம்பீ...! முன்புறத்தின் முக்கியமான, " முகம் தெரிகின்றதா".....?

மாணவன் துணுக்குற்றான்.

பின்பு தணிந்த குரலில் பணிந்த உடம்புடன்,

"ஐயனே...! முகம் தெரியவில்லை....!'' என்றான்.

"குழந்தாய்...!
இந்த ஊன உடம்பில் பின்புறம் முழுதும் தெரியவில்லை.....!!

முன்புறம் முகம் தெரியவில்லை......!!

நீ இந்த உடம்பில் சிறிது தான் கண்டிருக்கிறாய்.....!!

இருப்பினும் கண்டேன் கண்டேன் என்று பிதற்றுகின்றாய்....!!

அன்பனே...!
இந்த உடம்பு முழுவதும் தெரிய வேண்டுமானால்,

இருநிலைக் கண்ணாடிகளின் இடையே நின்றால் உடம்பு இருபுறங்களும் தெரியும்.'' ...!!

இந்த ஊன் உடம்பை முழுவதும் காண்பதற்கு,

இருநிலைக் கண்ணாடிகள் தேவைப்படுவது போல்,

ஞானமே வடிவாய் உள்ள கடவுளைக் காண்பதற்கும் இரு கண்ணாடிகள் வேண்டும்.''

ஒரு கண்ணாடி.....
திருவருள்....!!

மற்றொன்று....
குருவருள்.......!!

திருவருள், குருவருள் என்ற இரு கண்ணாடிகளின் துணையால்,

"ஞானமே வடிவான இறைவனைக் காணலாம்"....!!

"தம்பீ.....!
"திருவருள் எங்கும் நிறைந்திருப்பினும்"......,

அதனைக் "குருவருள் மூலமே பெறமுடியும்".....!!

" திருவருளும் குருவருளும் இறைவனைக் காண இன்றியமையாதவை.''.....!!!

அந்த மனிதன் தன் தவறை உணர்ந்து அவரின் காலில் விழுந்தான்.....!!

               சிவமேஜெயம் - திருவடிமுத்துகிருஷ்ணன் 

சிவத்தை போற்றுவோம் !!! சித்தர்களை போற்றுவோம் !!!

மகான் ஸ்ரீ பட்டினத்தார் தியான நிலையம் 

ஸ்ரீ பட்டினத்தார் குடில் 

6/400 வண்ணார் பேட்டை 

தாளமுத்து நகர் 

தூத்துக்குடி 2 

9944091910 

ஆன்மீக சிந்தனைகள்

படித்ததில் பிடித்தது.... 

                 ஆன்மீக சிந்தனை

சிறுவனை அழைத்துக்கொண்டு அவனது தந்தை ஒரு காட்டிற்குச் சென்றார். 

அப்போது மகனுக்கு ஒரு சவாலை முன்வைத்தார். 

''மகனே, இப்போது உனக்கு முன் ஒரு பெரிய சவால் உள்ளது. அதில் வெற்றி பெற்றால், நீ பெரிய வீரனாகி விடுவாய். இன்று இரவு முழுவதும் நீ தனியாக இந்தக் காட்டிலேயே இருக்க வேண்டும். உன் கண்கள் கட்டப்படும். ஆனாலும் நீ பயப்படக்கூடாது; வீட்டிற்கு ஓடிவந்துவிடவும் கூடாது'' என்றார். 

சிறுவன் ஆர்வத்துடன் சவாலை சந்திக்கத் தயாரானான். 

அவனது கண்களைத் தந்தை துணியால் இறுகக் கட்டினார். பிறகு, தந்தை திரும்பிச் செல்லும் காலடி ஓசை, மெல்ல மெல்ல மறைந்தது. அதுவரை தந்தை அருகில் இருக்கிறார் என்ற தைரியத்தில் இருந்த அவனுக்கு, தூரத்தில் ஆந்தை கத்துவதும் நரி ஊளையிடுவதும் நடுக்கத்தைக் கொடுத்தது. 

காட்டு விலங்குகள் வந்து தாக்கிவிடுமோ என்ற அச்சத்தில் அவனது இதயத்துடிப்பு வழக்கத்தைத் தாண்டி எகிறியது. மரங்கள் பேயாட்டம் ஆடின. மழைவேறு தூறத் தொடங்கியது. கடுங்குளிர் ஊசியாய் உடலைத் துளைத்தது. 

‘’அய்யோ! இப்படி நிர்க்கதியாய்த் தவிக்க விட்டு தந்தை போய்விட்டாரே! யாராவது வந்து என்னைக் காப்பாற்றுங்களேன்’’ என்று பலமுறை கத்திப் பார்த்தான். பயனில்லை. 

சிறிது நேரத்தில், இனி கத்திப் பயனில்லை என்பது அவனுக்குப் புரிந்தது. திடீரென்று அவனுக்குள் ஒரு துணிச்சல். என்னதான் நடக்கும், பார்ப்போமே என்று சுற்றுப்புறத்தில் கேட்கும் ஓசைகளை ஆர்வத்துடன் கவனிக்கத் தொடங்கினான். 

இப்படியே இரவு கழிந்தது. விடியற்காலையில் லேசாகக் கண்ணயர்ந்தான். சூரியன் உடம்பைச் சுட்டபோதுதான், கண்கட்டைத் திறந்துப் பார்த்தான். 

கண்ணைக் கசக்கிக்கொண்டு எதிரே பார்த்தபோது, அவனுக்கு ஆச்சரியம்! ஆனந்தம்! அழுகையே வந்துவிட்டது. ‘’அப்பா’’ என்று கூவி அருகில் அமர்ந்திருந்த தன் தந்தையைப் பாய்ந்து தழுவிக் கொண்டான். 

‘’அப்பா நீங்க எப்போ வந்தீங்க?’’ என்று ஆவலாகக் கேட்டான். சோர்வும் மகிழ்ச்சியும் கொண்டிருந்த அந்தத் தந்தை, ''நான் எப்போது மகனே உன்னை விட்டுப் போனேன்’’ என்றார். 

இரவு இங்குதான் இருந்தீங்களா? பிறகு ஏன் நான் பயந்து அலறியப் போதெல்லாம் என்னைக் காப்பாற்றவில்லை? ஏன் என்னிடம் எதுவும் பேசவில்லை?’’ என்று கேட்டான். 

‘’உன் மனோதிடம் வளர வேண்டும். நீ எதற்கும் அஞ்சாத வீரனாக வேண்டும் என்பதற்காக மெளனம் காத்தேன். ஏனென்றால் அச்சத்தின் உச்சத்தை எட்டும்போது, துணிச்சல் தானே வரும்’’ என்றார் தந்தை. மகனுக்கு தந்தையின் நோக்கம் புரிந்தது. 

கடவுளும் அந்தத் தந்தையைப் போலத்தான், நம்மோடு இருக்கிறார். துன்பத்திலும் சோகத்திலும் தவிக்கும்போது துவண்டுவிடாமல், நாம் தீரர்களாக வேண்டும் என்பதற்காகவே பல நேரங்களில் மெளனம் காத்து வெறும் பார்வையாளரைப் போல் இருக்கிறார். 

            என்னால் இங்காவது ஏதுமில்லை என்று அவனை சரணடைந்து இருந்தால் நம்மை அவன் வழிநடத்துவான் . நம் துன்பங்களை எல்லாம் பகலவன் கண்ட பணியென கரைத்து விடுவான் . ஆகவே எத்துணை துன்பம் நேரினும் சங்கரராமேஸ்வரனை மறவாமல் இருப்பதே நாம் கேட்கும் வரமாக இருக்க வேண்டும் .


             சிவமேஜெயம் - திருவடி முத்துகிருஷ்ணன் 

சிவத்தை போற்றுவோம் !!!   சித்தர்களை போற்றுவோம் !!!

மகான் ஸ்ரீ பட்டினத்தார் தியான நிலையம் 

ஸ்ரீ பட்டினத்தார் குடில் 

6/400 வண்ணார் பேட்டை 

தாளமுத்து நகர் 

தூத்துக்குடி 2 

9944091910